VOV4.M'Nông: Hội đồng bảo an Liên hợp quốc mbra hop ndal tâm bôk pơh bah kơi tay gay tâm nchră mpeh rơh pănh grăp ŭnh dŭt mhe bah Triều Tiên. Tĭng ăp tơm nău lư tâm boh dak bah dih, rơh hop dơi ƀư tĭng nău đă bah Mỹ, Pháp, Anh- 3 tâm rnoh 5 dak lăp kan nsum rnâng kan bah Hội đồng bảo an Liên hợp quốc, ndrel đah Ailen n'hanh Albani. Bah năp nê, Hãng thông tấn trung ương Triều Tiên (KCNA) an gĭt grăp ŭnh ma dak dja pănh nar 05/01 lah du grăp mô tăng nteh mbra pănh ngai tât 700km. Aơ lah rơh rlong grăp ŭnh mô tăng nteh tâl 2 bah Triều Tiên lôch rlong tâm ban kơt nê rnôk khay 9/2021. Mỹ n'hanh Nhật Bản hŏ nduih lah rơh pănh grăp ŭnh tih nghị quyết bah Hội đồng bảo an n'hanh ntêt nkri rnă njrăng tâm nkual n'hanh dak bah dih. Triều Tiên âk tơ̆ lah rjăp, nău njêng âk ndrak nsiu lah gay ma njrăng n'gang êng dak nơm ta năp rơh rdôl lơh rŭ hôch bah Mỹ./.

Nuĭh rblang: Điểu Thân