VOV4.M'nông: Hội đồng Bảo an Liên Hợp Quốc tâm nar aơ (26/10) mbra rgum hop mpeh nô nău Sudan lôch rơh rlơt tŭp chính phủ ma tahen ta dak dja. Aơ lah du rơh hop ndâp, dơi ƀư tĭng nău đă bah Anh, Ireland, Na Uy, Mỹ, Estonia n'hanh Pháp. Rơh hop ndâp bah Hội đồng Bảo an nchrăp ƀư tâm rnôk Bộ Y tế Sudan mhe mbơh, hŏ geh dŭt đêt 7  nuĭh khĭt tă bah đăt rsang ndrak n'hanh 140 nuĭh khĭt tâm ăp rơh tâm lơh đah tahen n'hanh nuĭh ƀư rŭng răng rnôk bar pe jât rbăn nuĭh jŭr trong rlăch dun nău tahen nhŭp kân Thủ tướng dak dja. Bah năp nê, Bộ Thông tin Sudan lah rjăp, dak dja dôl tâm rdâng đah du rơh rlơt tŭp ma tahen lam lĕ rngôch, nkre ntrŭt ntrôl ăp mpôl tahen mƀơk luh lĕ rngôch an ăp nuĭh geh nhŭp kân, tâm nê geh Thủ tướng Abdalla Hamdok./.

Nuĭh rblang: Điểu Thân