VOV4. M’nông: Nar 9/4, du đêt dak lăp kan nsum Hội đồng Bảo an Liên Hợp Quốc hŏ ƀư rơh hop pơk sŏng dăng mpeh nô nău Myanmar. Ăp nuĭh kan mbơh nău lư ntơh măt an du đêt mpôl kan tâm n'hanh bah dih dak Myanmar dơi ăp dak ndrel ƀư tơm jă tât râng n'hanh mbơh gĭt nău lư mpeh nô nău aƀaơ ta Myanmar đŏng. Ăp nuĭh kan mbơh nău lư dja mpơl nău klach rvê da dê mpeh nô nău ta Myanmar, mbơh njrăng lor geh ma nău duh jêr wăng sa, mô tŏng ndơ ngêt sa, dak si tâm ban kơt geh ma nău jêng tâm lơh ndrăng nơm đŏng. Lah ta rơh hop, âk dak lăp kan nsum mpơl nău klach rvê hô mpeh nô nău aƀaơ ta Myanmar n'hanh nduih lah nău dŏng suan lơh đah nuĭh ƀon lan ngăn. Âk nău rgop ôp kuăl kân bah tâm lơh, der bah ƀư jêng lơn ma duh jêr tay n'hanh dăn đă nkra ăp trong êng êng, tâm rkeh nău ma trong tâm nchră n'hanh nkra nău tâm rkeh, tâm di đah nău ŭch rŏng bah nuĭh ƀon lan Myanmar./.  

Nuĭh rblang: Điểu Thân