VOV4.M'nông: Hội đồng bảo an Liên hợp quốc nar 08/12 hŏ geh ăp rơh hop mpeh nău an ƀư Nghị quyết 2118 (2013) geh tât rơh nkra nkô̆ nău ndrak nsiu hoá học ta Syria. Ta rơh hop, ăp nuĭh kan Hội đồng bảo an mpơl nău klach rvê hô mpeh nău dŏng ndrak nsiu hoá học n'hanh kuăl jă ân n'hao dăng tâm boh gay nkra ăp nkô̆ nău dja. ăp nuĭh kan tâm Hội đồng bảo an lah rjăp ân ntrŭt ntrôl tâm boh đah Ban Thư ký Nhih pah kan mpăng dŏng ndrak nsiu hoá học n'hanh Syria gay nkra ăp nkô̆ nău nchiăng khan, rƀŏng tât nău tĭng ƀư ăp tŏng nău tâm ton ndrak nsiu hoá học n'hanh Nghị quyết 2118 bah Hội đồng bảo an. Lah ta rơh hop, Đại sứ Phạm Hải Anh, Ntơh măt bah Việt Nam ta Liên hợp quốc, lah rjăp ân nkra dŭt bah nkô̆ nău ndrak nsiu hoá học ta Syria, ân rdâk njêng nău nsiu nơm n'hanh n'hao dăng tâm boh geh nău mĭn tâm rgop n'hanh mô ƀư jêng chính trị đah ăp ding geh tât n'hanh băl mpôl dak bah dih./.

Nuĭh rblang: Điểu Thân