VOV4.M'nông: Hội đồng bảo an Liên hợp quốc nar 5/11 hŏ kuăl đă dŭt bah tâm lơh ta Ethiopia n'hanh ƀư tâm nchră gay geh du nău tâm ton rlu pănh jŏ jong. Ăp dak lăp kan nsum Hội đồng bảo an ndơ̆ luh nău mbơh mpơl nău klach rvê hô mpeh ăp rơh tâm peng tahen rêng lam hvi n'hanh âk hô ta dak dja. Nău mbơh tă bah Ireland, Kenya, Niger, Tunisia n'hanh Saint Vincent and Grenadines nchih rgum kuăl jă ƀư bah tâm rkeh n'hanh mât njrăng ăp nuĭh ƀon lan ngăn ta Ethiopia. Nău mbơh bah Hội đồng bảo an kuăl jă uănh khlay luật kơl nuĭh dak bah dih, nthoi tay ăp rhŏ dŏng kan nsum n'hanh n'hao âk ndơ kơl an Ethiopia. Rlău ma nê, ăp dak Hội đồng bảo an kuăl jă ăp ding nkân nkân ndơ̆ luh ăp nău lah tâm rkeh n'hanh tâm jreh nuih n'hâm n'hanh tâm mưch rmot./.

Nuĭh rblang: Điểu Thân