VOV4.M’nông – Nar 14/9 (tĭng mông New York), Hội đồng Bảo an Liên hợp quốc lĕ rƀŭn ăp rơh mpeh nău ƀư bah Ủy ban mpeh tâm Hội đồng Bảo an Liên hợp quốc geh tât Sudan, hôm kuăl lah Ủy ban 1591, jêh nĕ rƀŭn mpeh nu nău Sudan n’hanh nău ƀư bah mpôl ntoh măt ntop kơl rgum nsum bah Liên hợp quốc ta dak aơ. Ăp dak kan ndrel Hội đồng bảo an  kơp dơn ăp nău rgâl uĕh dăch aơ ta Sudan yơn an lah nu nău dak aơ hôm e rdâng đah âk ntŭl rlong, lơn lah nău hao tâm lơh đah ăp nsum mpôl, du đêt nău rgâl hôm e đêt tâm rnôk rgâl tay, duh jêr wăng sa, kơl nuĭh. Ntoh măt manh kan Sudan ta Liên hợp quốc mĭn lah Chính phủ rgâl tay bah Sudan mbra nsrôih ntrôl rgâl tay kơt đăp mpăn nău kan bôk năp bah nơm tâm mât njrăng nuĭh ƀon lan ta dak aơ.  

Nŭih rblang: Y Sưng Phê Ja