VOV4.Mnông- Nar 14/10, hội đồng bảo an Liên hợp quốc lĕ rƀŭn nchră mpeh nkô̆ nău ta Colombia n’hanh nău kan bâh mpôl kan uănh nđôi ta Liên hợp quốc ta dak aơ. ăp nuĭh kan mbơh tơih nău uănh năl ntrong kan mât đăp mpăn Colombia dơi geh âk nău ueh mhe khlăy mpeh chính trị, rnă njrăng n’hanh wăng sa. Yơn lah, ăp nău tâm rgop lĕ mbơh nău mĭn rvê mpeh nău rnă njrăng, đăp mpăn, ngăn lah ta nkual ƀon lan. ăp nuĭh kan mbơh tơih kuăl đă chính phủ Colombia an geh ntrôl ntorng kan chính trị, mât ăp nuĭh dơh geh nău tât n’hanh ƀư tĭng ăp nău mĭn kan mpeh săch kruanh gay ma mpŏng tât rơh săch kruanh ƀon lan ƀư tơm, đăp mpăn ta Colombia tâm năm 2022. Ăp dak an geh lah na nê̆ an geh n’hao ăp ntrong kan njrăng rdâng nău pah kan bâh mpôl tahen mô tâm di n’hanh mât đăp mpăn an ăp nuĭh dơh geh nău tât tâm rnôk lăp rêh ndrel. Dăn đă chính phủ Colombia ndrel đah ăp ding geh tât an geh ƀư tay ăp nău kơl an hun hao wăng sa- rêh jêng kơl an nuĭh ƀon lan.

Nuĭh rblang: Thị Đoắt