VOV4.M’nông -  Nar 21/12 (tĭng mông New York), Hội đồng Bảo an Liên hợp quốc rƀŭn ăp rơh mpeh nu nău Trung Đông, geh nău Palestine n’hanh mbơh an du đêt nghị quyết njong nău kan bah Rmôt nuĭh Groi nđôi Liên Hiệp Quốc ta nkual neh yôk prêh Gô-lan n’hanh Mpôl groi nđôi ntoh măt Tahen bah Liên minh châu Phi. Ta rơh rƀŭn, ăp dak tâm Hội đồng Bảo an mpơl nău mĭn êng nơm dun n’hanh kuăl jă lôch ăp nău ƀư bah Israel pơk hvi ăp nkual ntŭk gŭ ta Bờ Tây, geh Đông Jerusalem, phah, sŏk ngih wâl, drăp ndơ bah nuĭh Palestine tih đah Nghị quyết 2334. Du đêt dak kuăl jă Rmôt Kôp 4 ƀư du rƀŭn nchră lam ntŭr neh đah tât râng bah ăp ding geh tât gay ntrŭt tay nău đăp mpăn aƀaơ dôl rlu nsrŭng. Âk dak lah rjăp an đăp mpăn dơh nơih an ăp nău ƀư kơl nuĭh n’hanh ndâk njêng tay an nkual Gaza jêh tâm lơh n’hanh kuăl jă ăp nuĭh ntop kơl n’hao rgop an tơm prăk bah Ngih pah kan ntop kơl n’hanh nău kan an nuĭh gŭ ndê Palestine bah Liên Hợp Quốc.

Nuĭh rblang: Y Sưng Phê Ja