VOV4.M’nông: Lơ 29/9, Hội đồng Bảo an Liên hợp quốc rƀŭn nchră ăp khay mpeh nau kan ta Trung Đông. Âk nŭih rđau nau kan bah Tổng thư ký Liên hợp quốc mpeh nau kan đăp mpăn Trung Đông, wa Tor Wenneslan mbơh ta nar rƀŭn ân gĭt, Nau kan tâm ăp kuăl neh Palestin rơh rlau aơ hôm geh nau duh jêr yor ăp nau tâm lơh dôl ma hao âk. Êng tâm ăp rơh ƀư rŭng răng mpeh Palestin hŏ geh 27 nŭih khĭt, rlau 4.800 nŭih rmanh. Nau kan ta nkuăl Gaza kŏ n’hao nau duh janh lơn yor ăp nau ƀư m’ơk play bóng mpăr ƀư ŭnh sa ndrel pănh 5 play rocket tă bah Gaza, tâm rnôk ăp rmôt Israel hŏ ƀư 55 nau tâm lơh rƀŏng tâm ăp ntŭk geh ân lah bah rmôt tahen tâm lơh tâm nkuăl Gaza. Nŭih ƀư nau kan kuăl jă ăp ding nsrŭng ăp nau tâm lơh ndrel geh nau mât kơl an ƀon lan, ngăn lah kon se./.

Nŭih rblang: H’Thi