VOV4.M’nông: Lơ 6/4, Hội đồng Bảo an Liên hợp quốc rƀŭn trực tuyến mpeh nau kan Mali. Ăp nŭih kan bah Hội đồng bảo an kuăl jă Chính phủ ƀư kan bah Mali tâm rgop nsum đah ăp ding geh tât ƀư ân jêh nau kan mhe, ƀư săch kan ân tâm di. Ăp nŭih kan nsum rnê prêh nau kan bah LHQ, Liên minh Châu Phi (AU) ndrel nsum mpông văng sa Tây Phi tâm nau kơl an Mali tâm nau ƀư kan mhe, mât nau đăp mpăn, rnă njrăng ndrel ntrŭt dăng nau hun hao. Ntoh nau ta nar rƀŭn, ntoh măt bah Việt Nam ta Liên hợp quốc Đặng Bình Quý kơp dơn ăp nau nsôih tă geh tâm rơh rlau aơ bah Chính phủ ndrel ăp ding geh tât ta Mali. Nŭih kan aơ ntoh nau nduih lah nau tâm lơh tâm ƀon lan, tahen mât rnă njrăng bah LHQ ndrel rvê ngăn nau kan mât rnă njrăng ndrel nau kơl an nar lơn mô ueh./.

Nŭih rblang: H’Thi