VOV4.M’nông: Tổng Thư ký Liên hợp quốc Antonio Guterres kuăl jă Mỹ ntlơi mô lah an rong dơm lĕ rngôch trong rmal ntrŏng tâm Iran kơt hŏ tâm ban ŭch tâm ton hạt nhân năm 2015 gay mpăng đêt bôk nău kan hạt nhân bah Iran. Aơ lah nkô̆ mbơh way ăp khay khay 6 mpeh nău an ƀư nghị quyết năm 2015, tâm nê geh lĕ ma tâm ton hạt nhân đah Iran n'hanh rmôt P5+1 dơi wa Guterres njuăl tât Hội đồng Bảo an Liên hợp quốc. Lah ta rơh hop bah Hội đồng Bảo an Liên hợp quốc, Groi Đại sứ Mỹ ta Hội đồng Bảo an Liên hợp quốc, wa Jeffrey DeLaurentis, lah rjăp Mỹ way mât rnoh tât đăp mpăn Iran mbra mô dơi dŏng ndrak nsiu hạt nhân n'hanh nsing nơm tâm boh lah trong dŭt uĕh gay tĭng ƀư dơi tât rnoh kan dja ndrel nău tâm boh kan nsum đah ăp dak băl mpôl n'hanh ăp dak tâm brê ta nkual./.

          Nuĭh rblang: Điểu Thân