VOV4.M’nông: Hội đồng Bảo an Liên hợp quốc hŏ tâm nchră tĭng khay mpeh nau kan ta Apganistan. Ăp nŭih mbơh nau rvê ngăn mpeh nau kan rŭng răng ta Apganistan, ngăn lah mpeh nau rŭng răng văng sa ndrel nau kơl an bah dak aơ, Ăp dak kan nsum bah Hội đồng bảo an mbơh nau rvê tât nau kan ta Apganistan rơh rlau aơ, kuăl jă ăp ding geh tât ta Apganistan kơt tĭng ăp nau kơl an kon nŭih ndrel nau dơi kon nŭih bah lam ntur neh, tâm nchră ndel mra joi luh du nau kan chính trị ăp ntil. Tâm lơ 9/9, hội đồng bảo an hŏ tâm ban nau nchră tât nau ntrŭnh ndrel nau ƀư ntrơn leo tă bah nau kan mât rnă njrăng đăp mpăn đah nkô̆ nau kơp dơn nau dơi kan khlay bah rmôt mât nau đăp mpăn Liên hợp quốc đah nau đăp mpăn ndrel nâp nâl jŏ jong, leo luh ăp nau kan geh nau ueh ngăn mpeh nau kan ntrơn rgâl mhe, nau kan tơm bah ăp dak tâm nau kan aơ, nkre kuăl jă ăp chính phủ ndâk, ntrŭh ăp nau kan gay ma mât ƀon lan./.

Nŭih rblang: H’Thi