VOV4.Mnông – Hội đồng Bảo an LHQ mhe rƀŭn pơk sŏng dăng mpeh nu nău Libya n’hanh nău ƀư bah mpôl ntoh măp ntop kơl bah LHQ ta dak aơ. Rơh bôk năp nău mbơh bah năp HĐBA, wa Jan Kubis, Đặc phái viên mhe bah Tổng thư ký LHQ mpeh nău Libya nkre ƀư nuĭh djôt bôk UNSMIL uănh lah prêh ăp rgâl hao khlay đah chính trị-rnă njrăng ta Libya kơp bah bôk năm tât aƀaơ, tâm nĕ Chính phủ Tâm rnglăp rnoi mpôl lĕ dơi ndâk njêng n’hanh tâm ton rlu pănh jŏ jong nar 23/10 năm e dơi ntơm tĭng tay. Ndrel nar 24/3, HĐBA lĕ mbơh tă bah nău mbơh Kruanh mpeh nu nău Haiti yor Mỹ ƀư tơm nchih rgum. Nău mbơh geh nkô̆ nău kuăl jă ăp ding geh tât ta Haiti nsrôih gay đăp mpăn săch tổng thống năm aơ ƀư dah rŏng, tâm ban, kloh rah wah n’hanh dơi nsing nơm.

Nuĭh rblang: Y Sưng Phê Ja