VOV4.M’nông - Nar aơ, Hội đồng Bảo an Liên hợp quốc mbra rgum rƀŭn gay tâm nchră mpeh nău pănh grăp phao ŭnh mhe ngăn bah Triều Tiên. Rơh rƀŭn dơi rgum tĭng nău đă bah Anh n’hanh Ai len. Nău aơ geh jêh rnôk Triều Tiên mbơh pănh rlong jêh du grăp phao ŭnh bah taù mŭr tâm nar 19/10. Hãng thông tấn ngih dak (KCNA) bah Triều Tiên an gĭt, grăp phao ŭnh “ntil mhe” dơi pănh bah du tàu mŭr râng rơh rlong pănh grăp phao ŭnh tâm năm 2016. Ăp rup gui tă bah KCNA mbơh kơt an saơ du grăp phao ŭnh n’hơ lơn, jêt lơn nkôp đah ăp ndơ ê nkra bah grăp phao ŭnh bah tàu mŭr bah năp nĕ bâh dak Triều Tiên. Nău aơ geh nkô̆ mbra geh âk grăp phao ŭnh dơi năp nglăp tâm tàu mŭr bah Triều Tiên bôl pănh dăch lơn.

Nŭih rblang: Y Sưng Phê Ja