VOV4.M’nông – Hội đồng bảo an Liên hợp quốc rơh bôk năp ƀư du rơh rƀŭn na nê̆ êng mpeh bôk nău rnă njrăng ta dak lêng, đah nău ƀư tơm bah Thủ tướng Ấn Độ Narendra Modi. Đah bôk nău “N’hao rnă njrăng ta dak lêng: Du nău kan ndrel lam ntŭr neh”, ăp dak lĕ lah rjăp ăp nău ntêt nkri rnă njrăng ta dak lêng hao, nkre dăn đă âk trong mkra na nê̆ gay mkra ntŭl rlong aơ. Ta rƀŭn nchră, ăp dak an lah ntŭng ta dak lêng n’hanh ntŭng geh phao blêu ta tàu lĕ hao bơi 20% tâm n’gul năm e, nkual Tây Phi, nkoel dak lêng Malacca n’hanh Biển Đông lah ăp nkual geh khuch âk ngăn. Mỹ n’hanh Trung Quốc lĕ geh rơh tâm rkeh mpeh nău Biển Đông ta rơh rƀŭn. Kruanh gưl prêh n’hanh ntoh măt ăp dak tâm Hội đồng Bảo an n’hanh ăp rmôt kan Liên hợp quốc tâm ban ŭch n’hao kan ndrel gay rdâng đah ăp ntŭl rlong, mât uĕh ăp nău ƀư mhe ta nkual n’hanh lam ntŭr neh gay n’hao rnă njrăng dak lêng.

Nu^h rblang: Y Sưng Phê Ja