VOV4.M’nông: Kêng măng 15/12 (tĭng mông New York, Hội đồng Bảo an Liên hợp quốc ngơm rƀŭn 6 khay mpeh nau kan tâm nkuăl Trung Phi ndrel nau kan bah rmôt kan Văn Phòng Liên hợp quốc tâm nkuăl aơ (UNOCA) ndrel nchră nau nchrăp tay năm kan bah rmôt kan mât đăp mpăn rnôk aơ bah Liên hợp quốc tâm Abyei, nkuăl dôl geh tâm pit đah Sudan ndrel Nam Sudan, geh ntơ lah UNISFA. Nau mbơh bah năp Hội đồng Bảo an mpeh nau kan tâm nkuăl Trung Phi, ntoh măt bah Tổng thư ký Liên hợp quốc nkre Kruanh Văn phòng UNOCA Phrăng-xoa Phôn, mbơh rnôk rlau aơ saơ geh âk nau nsôih ntrŭt dăng tâm boh ndrel tâm rnglăp bah ăp dak tâm nkuăl. Bah năp nau ntul rlong têh ntơm rnôk geh srê Covid-19 yor nau mô lăng dăng, ăp dak tâm nkuăl dôl mât nau nsôih tâm boh gay njrăng rdâng nau khuch bah srê, tâm nê geh nau ntrŭt dăng nau ƀư ăp nau kan chuh vắc xin njrăng srê Covid-19./.

Nŭih rblang: H’Thi