VOV4.M'nông: Hội đồng Bảo an Liên hợp quốc nar 20/10 hŏ hop djăt nău mbơh mpeh nău tĭng ƀư Nghị quyết 1559 bah Hội đồng bảo an geh tât nô nău ta Lebanon. Rlău ma nău lư mpeh nău njêng Chính phủ mhe ta Lebanon, Groi Thư ký Liên hợp quốc Khaled Khiari an gĭt Lebanon mâp tay âk ntul rlong, tâm nê, wăng sa Lebanon dŭt jêr jŏt, nô nău rêh jêng roh đăp mpăn, rnoh âk ji ngot ach o, roh nău kan hao âk n'hanh nău rêh nuĭh ƀon lan geh tât khuch hô. Wa Khiari an gĭt đŏng kơt lah mô geh nău ngăch tâm nău tĭng ƀư Nghị quyết 1559 tâm bah ri aơ. Lah ta rơh hop, Tham tán công sứ, Groi Kruanh mpôl đă hăn kan Việt Nam ta Liên hợp quốc Nguyễn Phương Trà rhơn rnê nău njêng Chính phủ mhe ta Lebanon n'hanh mpŏng chính phủ mhe mbra nsrôih tĭng ƀư ăp nău rgâl khlay, ndơ̆ neh dak rlău dơi duh jêr aƀaơ./.

Nuĭh rblang: Điểu Thân