VOV4.M’nông: Hội đồng Bảo an Liên hợp quốc 22/6 rƀŭn trực tuyến gay tâm nchră mpeh nau kan ta Apgastin. Ăp nŭih kan nsum bah Hội đồng bảo an nkoch mbơh mpeh nau rvê mpeh nau kan rŭng răng rnă njrăng, kơl an ta Apganistan rơh rlau aơ ndrel kuăl jă ăp ding geh tât Apganistan ơm geh nau dơi ngăn tâm nau tâm nchră. Du đê̆ dak ntoh nau rvê mpeh nau khuch bah tahen Mỹ ndrel rmôt kan NATO rhuăt luh bah Apganistan đah ăp nau kan mât đăp mpăn tâm dak ndrel nkuăl. Kruanh n’gâng kan nchră nau Apganistan lah rjăp Chính phủ Apganistan mra nsôih ƀư ntrŭt dăng nau tâm nchră nau đăp mpăn, kuăl jă nsum mpôl lam ntur neh lŏ kơl an ân Chính phủ ndrel nŭih ƀon lan Apganistan tâm nau mât đăp mpăn ndrel ndâk tay./.

Nŭih rblang: H’Thi