VOV4.M'nông: Ăp dak mpeh Hội đồng tâm boh kuel dak lêng (GCC) hŏ lah rjăp nău mĭn nsum ŭch tĭng n'gâng kan rlăch ndăng bah Palestine. Tâm nău mbơh n'glĕ dŭt bah rơh tâm nchră gưl têh kuel dak lêng tâl 42 dơi ƀư ta Saudi Arabia, Hội đồng tâm boh kuel dak lêng hŏ lah rjăp nău mĭn kăp rkât đah n'gâng tơm bah nkô̆ nău Palestine. Tâm nê, ăp dak kuel dak lêng dja mpơl nău ŭch tĭng ƀư tơm bah nuĭh Palestine ta lĕ rngôch ăp nkual neh geh pit in kơp ntơm bah khay 6/1967, nkre ŭch tĭng njêng du ngih dak Palestine đăp mpăn đah Đông Jerusalem lah thủ đô n'hanh đăp mpăn nău dơi bah nuĭh du der, tâm di đah nău mĭn bah tâm lơh tâm su bah Arab. Ăp dak kuel dak lêng lah rjăp nău khlay ân ntrŭt ntrôl ăp nău nsrôih bah ăp dak lam ntŭr neh gay nkra bah tâm lơh, tĭng ăp trong tŏng lĕ rngôch nău dơi bah nuĭh ƀon lan Palestine./.  

Nuĭh rblang: Điểu Thân