VOV4.M'nông: Nar 16/11, Hội Liên hiệp Bu ur nkual ƀon têh Đà Nẵng ƀư Đại hội đại biểu Bu ur nkual ƀon têh tâl XIV, năm kan 2021-2026. 5 năm aơ, cán bộ, hội viên Bu ur nkual ƀon têh Đà Nẵng hŏ ƀư âk nău kan ngăn ngăn, rgop geh nău tam tâm pah kan đăp mpăn rêh jêng kon nuĭh, n'hŭch ach o. ăp trong leo ƀư "Bu ur tâm kơl hun hao wăng sa", "Kơl suan an Bu ur ach o"...dơi an ƀư jru hvi.

Ăp năm, ăp gưl Hội Bu ur nkual ƀon têh Đà Nẵng hŏ kơl bơi 5 rbăn rnăk ach o, rnăk dăch kêng ach o rlău dơi jêr jŏt; hang rbăn hội viên Bu ur ach o dơi ntĭm nti nău kan, nkoch mbơh joi nău kan đăp mpăn. Hội Liên hiệp Bu ur nkual ƀon têh Đà Nẵng hŏ nchăm an manh 50 rbăn rnăk Bu ur manh 1.500 rmen prăk hun hao tăch rgâl, ntơm njêng nău kan. Lah ta rơh Đại hội, wa Nguyễn Văn Quảng, Bí thư Thành uỷ Đà Nẵng rđău đă,, tâm năm kan tât, Hội Bu ur nkual ƀon têh ân ntrôl dăng pah kan nkoch trêng, rgŏ jă ăp rơh kơn bu ur tĭng ƀư jăp gung trong, trong nchrăp bah Đảng, pháp luật bah ngih dak./.

Nuĭh rblang: Điểu Thân