VOV4.M’nông: Ôi lơ 20/9, Ntŭk kan tâm mâp ngơi Đặc khu hành chính Hong Kong tâm Chính phủ Trung Quốc mbơh, nau săch kan bah Uỷ ban săch kan Đặc khu hành chính Hong Kong lôch đah 1.448 nŭih mhe geh săch. Nau ton lah, rơh săch kan bah Uỷ ban săch kan lah nau săch kan khlay bôk năp kơp ntơm rnôk ntrong săch kan bah Hong Kong geh rgâl ueh ngăn tâm bôk năm aơ. N’gâng kan Đặc khu hŏ săch kan tĭng di nau ntrŭnh bah pháp luật. Ăp nŭih mhe geh Uỷ ban săch kan tă bah ăp rmôt nŭih tâm Hong Kong ndrel geh nau ntoh măt âk, nkoch ăp nau dơi bah ntrong săch kan mhe đah nau râng ân tâm ban. Tĭng nŭih ntoh ngơi bah Ntŭk kan ăp nau kan Hong Kong ndrel Ma Cao bah Quốc vụ viện Trung Quốc, nau săch kan aơ geh ƀư “Nŭih rŏng dak mât Hong Kong” ndrel ntoh nau ueh bah ntrong săch kan mhe, lah du nhoat mhe tâm nau hun hao ƀon lan bư tơm ta Hong Kong./.

Nŭih rblang: H’Thi