VOV4.Mnông- Tĭng rnoh kơp mhe bâh Đại học Oxford, Hungary geh rnoh ntưp rêng Covid-19 dŭt âk ta lam ntur neh tâm khay 10. Knơm ta rnoh kơp ngăn yor Đại học Oxford geh kơp, nău ngăch ntưp trêng ta Hungary ta dŭt khay 10/2021 geh dŭt âk đah 1,85. Tâm ban dah 1 hê nuĭh ntưp mbra geh ntưp an bar hê nuĭh êng. Tâm ăp nar bôk khay 11/2021, rnoh ntưp rêng ta Hungary bol ma hŭch đah khay ba năp jŭr hôm 1,79 yơn hôm nha lah dak ntưp srê dŭt âk ta lam ntur neh. Ăp nuĭh way kan dak si Hungary dôl mĭn ŭch, nău njêng tay ăp ntrong kan bah ir ntưp bâh chính phủ bâh khay 11 mbra bah nău ntưp trêng ta Hungary tâm ăp nar tât tay. Tâm nar naơ 4/11, Hungary lĕ geh tay 6 rbăn 250 nuĭh ntưp mhe n’hao rnoh nuĭh ntưp bâh ntơm geh srê hao jêng 885 rbăn 360 nuĭh.

Nuĭh rblang: Thị Đoắt