VOV4.M’nông – Kruanh n’gâng kan tâm rnglăp nchră nău Hungary Peter Szijjarto lĕ kuăl jă Liên minh châu Âu (EU) an mkra ăp nău bah nơm đah Thổ Nhĩ Kỳ geh tât nuĭh gŭ ndê n’hanh trơn gŭ lơ ơm lơ uĕh. Tĭng wa Peter Szijjarto, Nău NATO rhoăt luh Afghanistan tâm yan mih aơ jêng tât ăp nău rnă njrăng mhe tâm nkual n’hanh dơi rgâp Afghanistan jêng ntŭk lăp gŭ du tơ̆ tay. Yor nê, lĕ rngôch ăp nău đah Thổ Nhĩ Kỳ mpeh nău trơn gŭ an dơi mkra lơ ơm lơ uĕh gay nking n’gang nău lăp gŭ mhe đah châu Âu kơt an đăp mpăn rnă njrăng an châu Âu. Ta năp nĕ, du nău tâm ton đah Thổ Nhĩ Kỳ n’hanh EU tâm khay 3 năm 2016 lĕ dơi rnê rhơn lam hvi mpeh nău nking n’gang trơn gŭ tât ndal, yơn tĭng Thổ Nhĩ Kỳ nĕ lah du nău mbơh mô lĕ rngôch lĕ nduih EU yor mô lôch nău tâm ton.

Nuĭh rblang: Y Sưng Phê Ja