VOV4.M’nông: Nhih pah kan ndeh păr rdeng năch Hy Lạp mbơh nchih rgum an saơ rnoh âk năch dak bah dih hăn pâl nđaih tât dak dja hao âk tâm khay 6 mhe aơ, lôch rnôk Chính phủ mƀơk lhoi ăp trong mpăng rsong hăn bah kơi nuh srê, gay ntơm tay khay rlu nti pâl nđaih năm aơ. Tĭng nchih rgum, Hy Lạp hŏ geh lĕ rngôch rlău 1 rkeh 181 rbăn năch dak bah dih hăn pâl nđaih tâm khay 6, hao rlău 13 tơ̆ rđĭl đah ndrel khay dja năm e nơh. Hy Lạp – neh dak nsĭt geh wăng sa bah pâl nđaih âk nklăp 1/5 rnoh âk geh wăng sa hŏ mbăk anh jŭr hŭch dŭt hô tâm năm 2020 tă bah ăp trong mpăng đêt rsong hăn, đah rnoh năch tât pâl nđaih hŭch 75% rđĭl đah năm 2019. Aƀaơ, đah nău an chuh n'gang vaccine njrăng n'gang Covid-19 lam ƀon lan ndrel ăp nău ntrŭnh mpăng mbrơi dơi ntlơi jăng, Chính phủ Hy Lạp mpŏng wơt rlău 30 rkeh năch pâl nđaih tâm kêng dŭt năm aơ./.

Nuĭh rblang: Điểu Thân