VOV4.M’nông: Lôch âk năm khay nduih lah mbro trong nchrăp n'hoch dak djơh ntưp phóng xạ hŏ ndjăt kloh rsang bah nhih máy điện hạt nhân Fukushima bah Nhật Bản, Trung Quốc hŏ dơi Nhih pah kan ŭnh Nar Nguyên tử Quốc tế (IAEA) jă râng ngăn tâm rmôt mpeh pah kan nkra nkô̆ nău dja. Tâm du nău mbơh ta rơh hop báo way ăp khay kêng măng nar 2/7, nuĭh ntơh ngơi Bộ Ngoại giao Trung Quốc Uông Văn Bân an gĭt, Tổng Giám đốc Nhih pah kan ŭnh Nar Nguyên tử Quốc tế (IAEA) Rafael Grossi hŏ njuăl si ƀŭt jă ăp nuĭh rnâng kan Trung Quốc râng rmôt pah kan kỹ thuật mpeh nkra bah n'hoch dak djơh hạt nhân Fukushima bah Nhật Bản. Tĭng nuĭh ntơh ngơi, IAEA dôl nsrôih nchrăp njêng rmôt pah kan dja "lôch âk tơ̆ kuăl jă bah ăp ding geh tât dŏng uĕh kơt Trung Quốc n'hanh Hàn Quốc.” Mhe aơ, Tổng Giám đốc IAEA hŏ njuăl si ƀŭt jă ăp nuĭh rnâng kan Trung Quốc râng rmôt pah kan./.

Nuĭh rblang: Điểu Thân