VOV4.M’nông: Tâm du rơh rƀŭn êp rơh rƀŭn bah Đại hội đồng ntŭk kan ŭnh nar ndrak nsiu lam ntur neh (IAEA) tal 65, Liên minh Châu Âu ndrel IAEA lah rjăp lŏ n’hao nau tâm boh tâm ăp nau kan geh tât nau đăp mpăn ndrak nsiu, rklaih ntuưk ntu gŭ âm tâm ăp ntŭk Uranium tâm Trung Á ndrel rklaih ăp ndơ khih phóng xạ ân nâp tam lơn ta Châu phi. Tâm Trung Á, Ntĭk kan ŭnh nar ndrak nsiu IAEA hŏ ntrŭnh ăp nau kan kơl mbơh nchră nau, kơl rklaih ăp nau kan geh tât ntŭk ntu ân ăp dak geh nau khuch yor nau nau kan mbơh, kơl, rklaih ntŭk ntu ân ăp dak geh nau khuch bah nau dŏng Uranium ntơm năm 1990, aơ lah nau nkri tât n’hâm soan bah ƀon lan ndrel ntŭk ntu. Ta Châu Phi, nau tâm boh đah Liên minh Châu Âu ndêl IAEA hŏ ân ntrŭnh ăp nau kan gay n’hao lơn tay rnoh đăp mpăn bah ăp lò phản ứng nkre mĭn ndrel mât ndơ khih phóng xạ ân nâp lơn. Ta nar rƀŭn êp rơh aơ, bar ding hŏ tâm ban nau pơk hvi ăp nau kan tâm nchră tâm boh ntơm năm 2013 mpeh nau mât nau đăp mpăn ndơ khih phóng xạ, ăp nau ntrŭnh, nau njrăng ndrel uănh nau nâp, nchrăp ndrel rdâng ân năn, rklaih ntŭk ntu, hun hao ndrel dŏng ăp nau đăp mpăn bah IAEA./.

Nŭih rblang: H’Thi