VOV4.M’nông: Chính phủ Indonesia dôl ndăn ngăch chuh n'gang vaccine Covid-19 an kon se ntơm bah 12- 17 năm deh tâm rnôk dak dja dôl ât rdâng đah rơh ntoh dŭt hô kơp ntơm bah bôk nuh srê n'hanh rnoh kon se ntưp Covid-19 ta Indonesia dŭt âk lam ntŭr neh. Tiến sĩ Aman Pulungan, nuĭh mât bôk kan Hiệp hội nhi khoa Indonesia an gĭt, rnoh nuĭh ntưp Covid-19 ta ăp nuĭh ta nâm 18 năm deh bah Indonesia hŏ hao âk rlău bar tơ̆ tâm mô hŏ tât du khay. Tât aƀaơ, ta Indonesia hŏ geh 26.000 kon se ntưp Covid-19, tâm nê geh 600 mon hŏ khĭt. Tiến sĩ Aman mĭn lah, nkô̆ tơm lah tă bah nuĭh ƀon lan mô gĭt njrăng êng kon se nơm, leo kon se hăn lêng lang ăp ntŭk ma mô wăn bok put mbung. Nhih pah kan ntop kơl kon se Indonesia kuăl jă chính phủ ntrôl dăng ăp bôk nău kan chuh n'gang n'hanh uănh năl mham COVID-19, nkre đăp mpăn kon se hăn plơ̆ nti tay rnôk hŏ đăp mpăn./.

Nuĭh rblang: Điểu Thân