VOV4.M’nông – Indonesia nar nđaơ (16/12) kơp dơn nuĭh ntưp ntil kaman Omicron bôk năp ta dak aơ. Ntoh ngơi bah năp nuĭh nchih nău, Kruanh N’gâng kan dak si Indonesia Gunadi Sadikin an gĭt, nuĭh ntưp dơi saơ du hê nuĭh kan ta ngih dak si Wisma Atlet ta thủ đô Jakarta. Đah nuĭh ntưp aơ, Indonesia lĕ jêng dak bah kơi tay rgop tâm sam ƀŭt nchih ăp dak Đông Nam Á kơp dơn ntil kaman mhe, bah kơi Philippine, Malaysia, Thái Lan n’hanh Campuchia. Kơp bah rnôk Nam Phi mbơh đah nuĭh bôk năp ntưp kaman Omicron tâm nar 25/11, tât aƀaơ kaman aơ lĕ ntoh ta 77 dak n’hanh nkual neh.

Nŭih blang: Y Sưng Phê Ja