VOV4.M’nông – Râng tay tâm trôm ăp Rƀŭn nchră gưl prêh ASEAN, Tổng thống Indonesia, Joko Widodo lah rjăp kan ndrel bah ASEAN đah ăp dak kan ndrel, tâm nchră ndâk njêng đăp mpăn, uĕh lăng an nkual n’hanh rdâk hao dak si, wăng sa. Ntoh ngơi ta Rƀŭn nchră gưl prêh Đông Á (EAS) rơh tal 16 ƀư tĭng trong trực tuyến, Tổng thống Indonesia Joko Widodo an lah tâm ton ryơk luật pháp lam ntŭr geh nkô̆ nău têh gay ndơ̆ nkual n’hanh lam ntŭr neh hăn đăp mpăn, hun hao uĕh lăng, tâm nĕ nău tĭng Công ước Liên hợp quốc mpeh Luật dak lêng (UNCLOS) 1982 lah nău khlay gay rgâl Biển Đông jêng nkual dak lêng đăp mpăn. Rvê klach rdâng đah ăp dak ƀư jêr jŏt an nău tâm rnglăp n’hanh nău ƀư nsum bah nkual, Tổng thống Joko Widodo kuăl jă an lôch bah nău aơ dâl.

Nuĭh rblang: Y Sưng Phê Ja