VOV4.M’nông - Indonesia mbra chuh vaccine Covid-19 an kon se bah 5-11 năm dêh tâm năm 2022 jêh rnôk mĭn njêng n’hanh uănh an rmôt vaccine an rnoh năm aơ. Aƀaơ, Indonesia dôl rlong bôk năp 3 ntil vaccine gay chuh an kon se bah 5-11 năm deh geh Sinovac,  Sinopharm n’hanh Pfizer. Ngih pah kan Groi nđôi dak si n’hanh ndơ sa Indonesia lĕ pă dŏng ndal vaccine Sinovac an kon se tâm rmôt năm deh aơ. Kruanh N’gâng kan dak Indonesia, wa Budi Gunadi Sadikin an gĭt, Indonesia gay ŭch chuh an nklăp 25-27 rkeh kon se bah 6-11 năm tâm bôk năm 2022. Hiệp hội Nhi khoa Indonesia rnê nău pơk hvi chuh an kon se. Tĭng wa Piprim Basarah Yanuarso, Kruanh Hiệp hội, rnoh kon se khĭt bah Covid-19 ta Indonesia âk ngăn ta lam ntŭr neh. Hiệp hội aơ đă ăp me bơ̆ mô an rvê ndơ̆ kon hăn chuh vaccine Covid-19.

Nuĭh rblang: Y Sưng Phê Ja