VOV4.M’nông – Gay ƀư tâm di bah Indonesia đah nău ƀư lah Kruanh Rƀŭn nchră gưl prêh Rmôt ăp jâng wăng sa hun hao n’hanh mhe hao têh lam ntŭr neh (G20), Indonesia lĕ ntơm rdâk ƀư ăp trong nchrăp, nchrăp an nău khlay mbra ƀư ta dŭt năm 2022. Tổng thống Indonesia lĕ an Nghị định mrô 12 năm 2021 ndâk njêng Ủy ban ngih dak mpeh Rmôt kan Mpôl kruanh G20 Indonesia gay tâm pă, ƀư tĭng ăp nău kan tâm rnôk Rƀŭn nchră gưl prêh G20. Kruanh n’gâng kan ƀĭt joet tâm pă ăp nău wăng sa Airlangga Hartarto dơi ntĭm ƀư kruanh Ủy ban, mbra tâm nchră mpeh ăp nău wăng sa kỹ thuật số, ntĭm nti, pah kan, lŏ mir, tăch rgâl, ntuh kơl, công nghiệp, dak si, rchăng n’gang sa khâm, ntŭk ntô gŭ âm n’hanh rgâl trôk nar duh nđik. Kruanh n’gâng kan ƀĭt joet tâm pă Airlangga an gĭt, rƀŭn G20 mbra geh bôk nău têh  “Ndrel rdâk nkra, ndâk nkra tay têh dăng lơn”.

Nuĭh răk rblang: Y Sưng Phê Ja