VOV4.Mnông – Ban thư ký ASEAN nar 21/4 an mbơh na nê̆ mpeh Rƀŭn nchră gưl prêh ASEAN mbra dơi ƀư ta thủ đô Jakarta, Indonesia tâm nar 24/4 tât. Tĭng nău mbơh, Kđăch Brunei, Haji Hassanal Bolkiah mbra tât Jakarta gay ƀư tơm rơh rƀŭn ASEAN. Nchrăp rơh rƀŭn dơi ƀư gay tâm nchră mpeh ăp nău nsrôih ndâk njêng nsum mpôl, tâm boh tâm rnglăp n’hanh ăp nău tâm nkual, tâm nĕ geh nău duh jêr ta Myanmar. Rơh rƀŭn mbra dơi ƀư ta ngih pah kan bah Ban thư ký ASEAN. Aƀaơ, dak tơm jay Indonesia dôl ndăn nchrăp an Rƀŭn nchră gưl prêh aơ. Ban thư ký ASEAN uănh lah prêh chính phủ Indonesia tâm pă an mbơh ntĭm kỹ thuật khlay n’hanh nta an nơih an rơh rƀŭn ƀư tĭng pơk sŏng dăng tâm rnôk srê Covid-19 hôm e jêr jŏt ta Indonesia.

Nuĭh rblang: Y Sưng Phê Ja