VOV4.M’nông: Indonesia mhe jêng dak Đông Nam Á bôk năp geh nau 2 rkeh 500 rbăn nŭih ntưp srê Covid-19 kơp ntơm rnôk geh srê ndrel tâm rnoh dak geh rnoh nŭih ntưp srê âk ngăn lam ntur neh. Tâm ăp nar êp aơ, Indonesia saơ âk nŭih ntưp mhe ndrel lơ 11/7 hao tât 36 rbăn nŭih, tâm nê nŭih khĭt kŏ dŭt âk đŏng. Ăp ngih dak si tâm dak aơ dôl rdâng đah nau mô tŏng ntŭk, mô lah lĕ ô-xy. Tĭng nŭih ntoh ngơi N’gâng kan rdâng srê Indonesia Jody Mahardi, chính phủ ton kơl pă ô-xy ndrel joi ntŭk pă kơl tă bah dak êng, tâm ne êgh Sin-ga-por, Mỹ mô lah Trung Quốc./.

Nŭih rblang: H’Thi