VOV4.Mnông- Indonesia n’hanh Philippines aƀaơ lĕ bơi lôch nău kan chuh n’gang ta thủ đô, tâm nĕ ăp nkual êng tâm ngih dak rnoh chuh n’gang mô hŏ âk. Bar ngih dak Đông Nam Á geh nău khuch âk yor nuh srê Covid-19 aƀaơ dôl n’hao nău chuh n’gang. Thủ đô Jakarta bâh Indonesia nar 20/10 mbơh lĕ geh 99% nău dơi chuh Vaccine Covid-19. Aơ lah nkual geh rnoh chuh n’gang Vaccine Covid-19 dŭt âk ta lam Indonesia. Tĭng nău mbơh bâh n’gâng kan dak si dak aơ, rnoh chuh 1 nglai Vaccine Covid-19 ta thủ đô Jakarta lah rlău 131%, tâm ban đah 11 rkeh ƀon lan tât râng chuh Vaccine đah nkô̆ mpŏng ŭch lah 8,4% rkeh nuĭh. Tĭng rnoh kơp bâh mpôl kan njrăng rdâng covid-19 bâh Philippine, aƀaơ geh rlău 24 rkeh nuĭh Philippines lôch chuh Vaccine Covid-19, geh 32% tâm lĕ nkô̆ mpŏng ŭch chuh n’gang an rlău 77 rkeh nuĭh ƀon lan. Thủ đô Manila geh rnoh chuh n’gang dŭt âk lah bơi tât 8 rkeh ƀon lan, geh rlău 80% nkô̆ mpŏng kan.

Nuĭh rblang: Thị Đoắt