VOV4.Mnông- Bâh nar 1/12, Chính phủ Indonesia ntơm ƀư ăp nău kan bâh Năm kruanh tâm pleh kan rmôt ăp dak hun hao n’hanh mhe ntoh bôk năp lam ntur neh G20. Tâm nău ntoh ngơi trực tuyến ta rơh ntơm pơk ăp nău kan năm kruanh G2 - 2020 ta nklang thủ đô Jakarta măng nar 1/12, Tổng thống Indonesia Joko Widodo lah na nê̆ năm kruanh G20 bâh Indonesia lah rơh nkhêp gay Indonesia tâm ban kơt ăp dak G20 pah kan, njêng ăp nău mhe, tâm kơl n’hanh n’hao soan dăng gay ma tâm rgop têh lơn an nău ndâk nsơm wăng sa lam ntur neh. Tổng thống Joko Widodo an gĭt đah nău kan kruanh G20, Indonesia mbra rgum ta 3 nău kan an lor lah: săk soan lam ntur neh, rgâl mhe nău wăng sa mbrô n’hanh rgâl mhe ŭnh nar nâp dăng.

Nuĭh rblang: Thị Đoắt