VOV4.M’nông – Nar 15/9, Indonesia lĕ ntơm ndâk ƀư ngih măy pin ndeh điện bôk năp ta nkual Đông Nam Á. Ntoh ngơi ta nar ntơm ƀư, Tổng thống Indonesia, Joko Widodo an gĭt, ngih măy nkra njêng pin ndeh điện đah dĭng lĕ khlay ntuh kơl lah 1,1 rmen đôlar mpơl nău ƀư rjăp bah chính phủ tâm nău kan công nghiệp. Tĭng Tổng thống dak aơ, rach năm bah ăp ndơ ƀư bôk năp lĕ jêh, Indonesia an janh rgâl trong ƀư wăng sa tĭng trong nkra njêng ndơ lôch uĕh. Knơm tâm nău rgâl mhe bah công nghệ, Indonesia dôl nsrôih jêng neh dak geh jâng công nghiệp têh. Đah rnoh niken têh ngăn lam ntŭr neh, Tổng thống Indonesia nsing nơm tâm 3 tât 4 năm tât, Indonesia dơi jêng du ngih nkra njêng têh bah ăp ndơ ƀư bah Niken, tâm nĕ geh pin lithium, pin điện n’hanh pin ndeh điện.

Nŭih rblang: Y Sưng Phê Ja