VOV4.M’nông – Chính phủ Indonesia mbơh mbra kơt tĭng đă n’hŭch nău ƀư nsum mpôl ndal bah nar 3-20/7 đah nău ŭch n’hŭch nuĭh ntưp jur hôm 10.000 nuĭh/nar. Indonesia nchrăp nchoeng n’gang 121 quận/nkuăl n’hanh nkual ƀon têh ta gôl dak Java n’hanh Bali. Na nê̆, 100% công chức, nuĭh kan pah kan tâm ăp nău kan mô khlay an ƀư ta jay. Ăp ntŭk tăch rgâl, tât Ngih brah, công viên n’hanh ntŭk mpla nsơ an ntĭl mpông. Ăp ntŭk tăch ndơ dŏng, siêu thị, chợ way dŏng dơi pơng mpông tât 8h ăp nar n’hanh dŏng âk ngăn 50% rnoh nuĭh. Ăp ntŭk sông sa knŭng dơi tăch ndơ djôt sĭt. Ăp ndeh rklư hăn ncho nsum dŏng ta rnoh 70% rnoh dŏng. Indonesia nkra rgâl di ăp trong nchoeng n’gang ndal tâm rnôk dak aơ na nao kơp dơn âk mhe đah rnoh nuĭh ntưp đah kaman Covid-19 tâm 2 pơh bah năp.

Nuĭh rblang: Y Sưng Phê Ja