VOV4.M’nông: Tâm rơh hop "Tâm boh tahen Philippines-Indonesia” tâl 3 nar ntri (25/5), Philippines n'hanh Indonesia tâm ban ŭch n'hao dăng tâm boh mât đăp mpăn rnă njrăng nkual Đông Nam Á. Lah ta rơh hop, Tư lệnh tahen Indonesia mĭn lah nuh srê Covid-19 an lam ntŭr neh saơ nău khlay bah trong tâm boh n'hanh tâm rgop suan gay lơh bah nuh srê têh aƀaơ dôl khuch tât nău rêh bah nuĭh ƀon lan bah ăp dak. Nchroh nô nău rnă njrăng tâm nkual Đông Nam Á tât duh jêr, bar dak kâng n'har Philippines n'hanh Indonesia ân n'hao dăng tâm boh ndrel nsĭt geh nsum. Bar dak mbra ndơ̆ luh ăp nghị quyết mhe mpeh ăp trong rlău dơi ntul rlong nsum, der bah tâm lơh, nkre ntrŭt ntrôl đăp mpăn, bah tâm lơh tâm su n'hanh têh ndrŏng bah bar dak./.

Nuĭh rblang: Điểu Thân