VOV4.M’nông – Viện Sinh học phân tử Eijkman bah Indonesia nar nđaơ mhe mbơh saơ ntil kaman Delta Plus AY.1 lĕ geh ta n’gor Jambi n’hanh ta Mamuju, Tây Sulawesi bah Indonesia. Wa Johansyah, ntoh ngơi rmôt đặc nhiệm Covid-19 n’gor Jambi an gĭt mbra tâm rgop đah N’gâng kan dak si n’hanh ăp ngih dak si gay ƀư trong nking n’gang nău ntưp rêng bah ntil kaman, tâm nĕ rgâl dŭt n’hâm nău chuh. Rgâl mhe kaman Delta Plus lah ntil rgâl mhe bah kaman Delta, ntil rgâl mhe aƀaơ dôl nchăng n’gang ta Indonesia. Tâm du khay bah năp, 95% rnoh kaman ta Indinesia lah kaman Delta lĕ ƀư nău hao ndal ăp nuĭh ntưp n’hanh khĭt yor Covid-19 ta Indonesia. Rmôt kan dak si lam ntŭr neh lĕ pă êng ntil kaman Delta Plus mhe tâm rmôt kaman an uănh tât. Kaman aơ lĕ dơi năl ta 11 dak, geh n’ăp Hoa Kỳ.

Nŭih rblang: Y Sưng Phê Ja