VOV4.M'nông: Iran nar 22/9 an gĭt ăp rơh tâm dâl nău đah ăp dak têh lam ntŭr neh gay rdâk tay nău tâm ton hạt nhân năm 2015 mbra dơi nthoi tay tâm bar pe pơh tât. Tĭng nuĭh ntơh ngơi Bộ Ngoại giao Iran, ăp nău kan nchrăp an rơh tâm nchră dôl ƀư n'hanh ăp rơh tâm dâl nău ta Viên ( Áo) mbra ơm dơi nthoi tay. Iran n'hanh ăp dak têh ndrŏng lam ntŭr neh hŏ ƀư rvăch tâm nchră tâl 6 gay năl trong ndơ̆ Iran n'hanh Mỹ plơ̆ tĭng di tay ăp nkô̆ tâm ban ŭch bah nău tâm ton hạt nhân, ma Tổng thống ơm Mỹ Donald Trump hŏ rhuăt luh năm 2018. Tĭng trong nchrăp, ăp Ngoại trưởng bah Anh, Trung Quốc, Pháp, Đức n'hanh Nga mbra mô geh rơh tâm mâp nsum đah Iran bah meng rơh hop Đại hội đồng Liên hợp quốc ƀư tâm pơh dja. Yơn lah Ngoại trưởng Iran mbra geh rơh mâp êng êng đah tĭng dak bah meng tâm nchră./.

      Nuĭh rblang: Điểu Thân