VOV4.M’nông: Iran nar 13/7 an gĭt dôl ƀư ăp rơh tâm nchră mpeh tâm rgâl nuĭh gŭ ndrung đah Mỹ. Tĭng nuĭh ntơh ngơi chính phủ Iran Ali Rabiei, yor nău ŭch rŏng kon nuĭh, dak dja mbra tâm rgâl lĕ rngôch nuĭh gŭ ndrung chính trị đah Mỹ gay rgâl nău mƀơk luh an lĕ rngôch nuĭh ƀon lan bah dak Cộng hòa hồi giáo dja geh nhŭp kân lam ntŭr neh tă bah tih ăp nău ntrŭnh rmal bah Mỹ. Wa Rabiei an gĭt mbra mbơh gĭt tay nău lư mpeh nuĭh gŭ ndrung Iran dơi mƀơk lôch bar ding geh nău tâm ban ŭch. Aƀaơ Mỹ mô hŏ geh nău lah mpeh nău mbơh bah Iran. Neh dak Cộng hòa Hồi giáo dja dôl nhŭp kân du đêt nuĭh ƀon lan Mỹ tơm Iran đah âk nău tih êng êng. Bah năp nê, tâm khay puăn, Iran an gĭt hŏ geh nău tâm ban ŭch mƀơk nuĭh gŭ ndrung đah Mỹ gay n'gluh 7 rmen đôlar bah Iran dôl geh kân ta ăp ngân hàng dak bah dih tĭng nău ntrŭnh rmal bah Mỹ. Yơn lah, Mỹ hŏ rlăch dun nău lư dja./.

Nuĭh rblang: Điểu Thân