VOV4.M'nông: Du hê kruanh Liên minh châu Âu (EU) an gĭt Iran hŏ nchrăp nthoi tay ăp rơh tâm nchră gay rdâk tay nău tâm ton hạt nhân đah ăp dak têh ndrŏng lam ntŭr neh ta rơh Tổng thống Ebrahim Raisi, ăp rơh tâm nchră dja mbra ƀư ta Vienna (Áo) ntơm bah bôk khay 9 tât. Hãng tin AFP leo nău kruanh EU mpôn săk an gĭt nuĭh tâm nchră bah EU Enrique Mora hŏ râng lễ ton dơn nău kan bah wa Raisi ta Tehran n'hanh hŏ geh rơh mâp đah kruanh gưl têh Iran dơi nchŏng đă hăn tâm nchră mpeh nkô̆ nău hạt nhân, wa Hossein Amir-Abdollahian. Rơh mâp dja dŭt uĕh, tâm nê mpeh Iran khân păng ŭch plơ̆ tay Vienna dŭt ơm, mô dơn gay ƀư tâm nchră ma hôm gay dơi geh tâm ton hạt nhân đŏng./.

Nuĭh rblang: Điểu Thân