VOV4.Mnông – Tâm rơh khâl jŏ 3 nar tât Iran (bah 11-13/4), Thủ tướng Hàn Quốc Chung Sye-kyun lĕ geh rơh rgum tâm nchră đah Groi Tổng thống dak tơm jay Eshaq Jahangiri. Ta rơh rƀŭn nchră, 2 ding lĕ tâm nchră mpeh âk nău, tâm nĕ geh ăp nkô̆ nău ơm ƀư tâm boh đah 2 dak jêng tâm ƀah rnôk bah năp; nkre tâm ban ŭch pơk hvi tâm boh ăp ding. Mpeh Hàn Quốc ton ntop kơl nuĭh, geh n’ăp dak si n’hanh ndơ dak si khlay an Iran. Mpeh Iran, wa Gia-han-ghi-ri lĕ đă chính phủ Hàn Quốc rơih jăng ăp tơm prăk kaih bah Iran “lơ ơm lơ uĕh” gay dak aơ dơi rdâng đah srê Covid-19 n’hanh ntrôl jâng wăng sa.

Nuĭh rblang: Y Sưng Phê Ja