VOV4.M’nông: Chính phủ Iran ton mbơh, dak aơ hŏ nkra 6,5 kg Urani geh ƀư ueh tât kloh 60%. Aơ lah nau geh mbơh ƀư mô ueh rnôk tâm nchră nau kan ndrak nsiu đah Iran ndrel ăp dak têh. Ntŭk nkoch mbơh nau Iran ndŏ nau mbơh bah Chính phủ Iran A-li Ra-bi-ây mbơh, dak aơ kŏ nkra 108 kg urani geh ƀư âk tât 20%. Nau mbơh geh tâm rnôk Iran ndrel Mỹ ntơm nau tâm nchră ta Viên, Áo gay joi nau tâm nchră ndâk tay nau kan ndrak sniu đah Iran ndrel ăp dak têh geh ký ton tâm năm 2015. Tâm khay 4, Iran ton dak aơ mra ntơm ƀư âk Urani gưl 60% kloh, nau kan aơ mra dơi leo dak aơ rƀŏng tât nau geh ƀư âk tâm rnoh 90% tŏng dŏng tâm nau nkra ndrak nsiu, jêh rnôk Iran ntôn lan Israel lơh rai du ntŭk kan ndrak nsiu khlay./.

Nŭih rblang: H’Thi