VOV4.Mnông- N’gâng kan Iraq mbơh ăp tahen dak aơ lĕ geh pah kan na nê̆ tâm nău tât ndal gay ma mât đăp mpăn an lĕ rngôch ăp ntŭk nklăch phiếu n’hanh ƀư lôch ntrong kan nchrăp an rơh săch kruanh nchrăp geh ƀư ta nar 10/10 tay. Nuĭh dâk bôk năp bâh Ủy ban rnă njrăng gâl têh mpeh săch kruanh bâh Iraq, Trung tướng Abdul Amir Al-Shammari an gĭt, ăp nău nchrăp mât đăp mpăn an nar săch kruanh lĕ ƀư lôch. Thủ tướng Iraq, Mustafa Al-Kazemi mbra uănh nđôi ăp ntrong kan mât đăp mpăn an rơh săch kruanh n’hanh uănh nđôi lĕ rngôch ăp nău kan mât đăp mQpăn. Trung tướng Al-Shammari an gĭt, nar geh bư săch kruanh 10/10 mbra lah nar rlu đah lĕ rngôch nuĭh ƀon lan Iraq, kanŭng ăp mpôl rnă njrăng, dak si n’hanh kơl kan dơm geh kan. Ăp ntrong kan mât đăp mpăn an rơh săch kruanh tât tay geh nđâp nău ntâl lĕ mpông n’har bri neh kơh n’hanh tăch ndeh păr, nchueng rvêl lĕ mpông luh lăp ta ăp n’gor n’hanh mô an hăn nsong đah ăp n’gor, rlu lĕ ăp bôk ndeh treng hăn nsong n’hanh ăp ntŭk tăch rgâl têh.

Nuĭh rblang: Thị Đoắt