VOV4.Mnông- N’gâng kan Israel mhe geh mbơh doh jăng lĕ rngôch ăp nău mô dơi an hăn nsong bah dih mpeh nău kan njrăng rdâng nuh srê Covid-19 n’hanh geh nău tam bâh nar 11/11. Nău ntrŭnh aơ geh ndơ̆ mbơh tĭng nău ntrŭt đă bâh ăp nuĭh way kan bâh n’gâng kan dak si Israel n’hanh ăp nuĭh mô kâp văn bok put mbung tâm ăp rơh gŭ rgum tâm 100 nuĭh ta bah dih. Yơn lah, nău văn bok put mbung hôm nha geh văn ta ăp ntŭk tăch rvăt ndơ. Tĭng nău ntrŭnh mhe, nuĭh Israel mbra geh ƀư ăp nău kan văn hóa, thể thao n’hanh phung chroh đah dŭt âk 1 rbăn nuĭh  ta bah dih ma mô kâp geh nău dơi an. Aơ lah nău ueh an saơ Israel dôl ntơm plơ̆ tay nău rêh kơt ơm bol ma dak aơ hôm nha geh njrăng n’hanh rdâng nuh srê rnôk geh nău rgâl săk mhe bâh Covid-19 dôl ntưp rêng.

Nuĭh rblang: Thị Đoắt