VOV4.M’nông: Lơ 30/5, Kruanh n’gâng kan Israel Gabi Ashkenazi tât Cai-rô tâm nchră nau nsrŭng pănh ta Ga-za. Kruanh n’gâng kan Issrael tâm nchră mpeh Ai cập mpeh ăp nau kan bah nkuăl, n’hao nau tâm boh 2 ding đah 2 dak kŏ kơt lah nau tơm lah ăp nau kan n’huch nau tâm rkeh đah Ga-za, ndâk tay Ga-za đah nau mêt uănh bah lam ntur neh. Wa Ashkenazi lah rjăp nau ton nsrŭng pănh bah Israel. Kruanh n’gâng kan Ai cập mbơh, rơh tâm mâp đah Kruanh Shoukry đah Ashkenazi geh tâm rnôk nau nsôih mô rlu bah Ai Cập gay ma ndâk nau đăp mpăn ndrel ndâk nsing tâm nau nsrŭng pănh yor Ai cập kơl an đah Israel-Palestin. Tâm rnôk nê, ndrel nar, nŭih dâk bôk ntŭk kan tình báo Ai cập Aƀabas Kamel hŏ tât Isrel nchră nau nsrŭng pănh ta Ga-za đah Thủ tướng Benjamin Netanyahu./.

Nŭih rblang: H’Thi