VOV4.M’nông – Ôi 16/6, tahen trôk Israel lĕ ƀư rơh rdôl lơh tâm nkual Gaza jêh rnôk du đêt nuĭh Palestine mpăr play bóng ka su ŭnh sa mpeh nkual bah dâng Israel. Aơ lah rơh rdôl lơh bôk năp bah Israel ta ăp nkual neh bah nuĭh Palestine ta Gaza kơp bah rnôk 2 ding dơi đă rlu pănh yor Ai Cập ƀư ta n’gul gay lôch 11 nar tâm lơh tâm khay bah năp. Nu nău geh jêh rơh hăn trong bah nuĭh tĭng chủ nghĩa rnoi mpôl Do Thái ta Đông Jeruxalem, ƀư rmôt Hamas ta Gaza ntêt nkri mbra ƀư. Nău mbơh bah rmôt njrăng n’gang Israel nkoch kloh, ăp ndeh par tâm lơh bah dak lĕ lĕ pănh tâm ăp ntŭk tahen lah ntŭk gŭ krap mpôn bah âk nuĭh Hamas ta Khan Yunis n’hanh nkual ƀon têh Gaza gay plơng tay mpeh Palestine mpăr play bóng ka su ŭnh sa mpeh bah dâng Israel ƀư rlău 20 ntŭk ŭnh sa.

Nŭih rblang: Y Sưng Phê Ja