VOV4.M’nông – Nar nđaơ (30/6), Kruanh n’gâng kan mât ndrăng bri dak Italia Lorenzo Guerini mbơh an gĭt, dak aơ lĕ jêh nău rhoăt tahen luh dak Afghanistan, lôch 20 năm mbơh ƀư tahen ta aơ. Tâm nău mbơh bah N’gâng kan mât njrăng bri dak Italia nkoch kloh “nău kan bah Italia ta Afghanistan lĕ na nê̆ lôch”, jêh rnôk ndeh păr rdêng ăp tahen n’gleh dŭt bah Herat lĕ jur tach ndeh păr quốc tế Pisa, Italia. Yơn lah, N’gâng kan mât njrăng bri dak Italia mĭn lah đŏng, tâm ton bah nsum mpôl lam ntŭr neh đah Afghanistan mbra mô lôch ta aơ, ma mbra ƀư tay đah ăp trong êng, bah n’hao kan ndrel hun hao tât ntop kơl ăp trong cộng hòa. Bah năp nĕ, nklăp 50 rbăn tahen Italia lĕ dơi ƀư tât Afghanistan tâm 20 năm bah năp.

Nŭih rblang: Y Sưng Phê Ja