VOV4.M’nông: Tĭng nau rđau kan bah N’gâng kan dak si, Công ty cổ phần vắc xin Việt Nam (VNVC) mhe jao 1.113.400 dĭng vắc xin AstraZeneca ân Viện Pastuer nkuăl ƀon têh Hồ Chí Minh gay ma pă ân ăp n’gor, nkuăl ƀon têh mpeh ba dâng, năn kơl an chuh n’gang Covid-19 ân nŭih ƀon lan. Rơh jao rlau 1,1 rkeh dĭng vắc xin aơ geh nau khlay ngăn tâm nrôk geh srê Covid-19 ntoh hô, nau ŭch chuh n’gang bah ƀon lan dôl ma hao âk, ngăn lah tâm ăp nkuăl âk nŭih kơt Nkuăl ƀon têh Hồ Chí Minh, Bình Dương…Kan chuh vắc xin njrăng rdâng srê ân nchrăp, ân geh nau dăng châl ơm ngăn tâm ƀon lan mra kơl an ăp n’gor mpeh ba dâng lah nsum, lam dak lah êng n’huch nau săm, n’huch nŭih khĭt. Kơp tât lôch lơ 15/8, Việt Nam hŏ ndơn geh 21,5 rkeh dĭng vắc xin ăp ntil. Nkuăl ƀon têh Hồ Chí Minh ndrel ăp nkuăl hŏ chuh bơi tât 14,7 rkeh dĭng vắc xin Covid-19, tâm nê geh bơi tât 1,4 rkeh nŭih ƀon lan geh chuh tŏng 2 dĭng./.

Nŭih rblang: H’Thi